Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду

Бүгүн, 23-апрелде Жогорку Кеңештин төрагасы Нурланбек Шакиев менен Монголиянын Улуу Мамлекеттик Хуралынын төрагасы Гомбожавын Занданшатар эки өлкөнүн парламенттеринин ортосундагы Кызматташуу боюнча комиссиянын регламентине кол коюшту.

Жогорку Кеңештин басма сөз кызматынан билдиргендей, аталган документ парламенттер аралык кызматташтыкты өнүктүрүүгө жана тереңдетүүгө багытталган.

Белгилей кетсек, Шакиевди депутаттар Улан Бакасов, Надира Нарматова, Чыңгыз Ажибаев, Эрулан Кокулов, Айсаракан Абдибаева, Нурбек Алимбеков, Мейкинбек Абдалиев, Чыңгыз Айдарбеков, Алишер Козуев коштоп жүрөт.