Бир катар аким жана орун басарлары кызматтан алына турганы маалым болду

Бир катар райондордун акимдерин, орун басарларын жана аппарат башчысын ээлеген кызматынан бошотуу боюнча президентке сунуштар киргизилет. Бул тууралуу бүгүн, 25-апрелде министрлер кабинетинин төрагасы Акылбек Жапаров өкмөттүн коллегиялык жыйынында билдирди.

Кызмат орундарынан бошотууга сунушталгандар:

- Кемин районунун акими Алайбек Жумаев, анын 1-орун басары Акылбек Мурсалиев, орун басары Кайрат Жетенбаев жана аппарат башчысы Бактыбек Алиев;
- Баткен районунун акими Учкунбек Жоробаев;
- Лейлек районунун акиминин 1-орун басары Абдирашит Ташталтаев;
- Жети-Өгүз районунун акиминин 1-орун басары Адилет Дүйшөмбиев.

Мындан сырткары жыйында бир катар министрлерге жана орун басарларына коюлган тапшырмаларды так аткарбаганы үчүн деген жүйө менен сөгүш берилди.