Жапаров Эл аралык каржы корпорациясынын аймактык вице-президенти менен жолугушту

Министрлер кабинетинин төрагасы Акылбек Жапаров Эл аралык финансы корпорациясынын (IFC) аймактык вице-президенти Хела Шейхруха менен жолугушту.

Тараптар ушул жылдын биринчи чейрегинде экономикасы 8,8 пайызга өскөн Борбордук Азиянын жана Кыргызстандын экономикалык абалын талкуулашты.

Өкмөттүн маалымат кызматы билдиргендей, талкуунун маанилүү темасы "Камбар-Ата-1" ГЭС курулуш долбоорун ишке ашыруу болду.

«Бул станциянын эффективдүү иштеши Токтогул суу сактагычынын суу ресурстарын жайкы мезгилде топтоп, Өзбекстан менен Казакстандын сугат суусуна болгон муктаждыгын канааттандыруу үчүн сарамжалдуу пайдаланууга мүмкүндүк берет.

Бир жагынан глобалдык климаттык чакырыктарды, экинчи жагынан өлкөнүн финансылык мүмкүнчүлүктөрүн эске алуу менен Кыргызстан жеке жана мамлекеттик секторлор үчүн тобокелдиктерди азайтуу үчүн жеке капиталды мобилизациялоо жана консультациялык кызматтарды көрсөтүү боюнча IFC саясатын кубаттайт», - деди Жапаров.

Эл аралык финансы корпорациясынын (IFC) Жакынкы Чыгыш, Борбордук Азия, Түркия, Ооганстан жана Пакистан боюнча аймактык вице-президенти Хела Шейхрауху өз кезегинде өлкө үчүн энергетика жана жеке секторду колдоо сыяктуу артыкчылыктуу багыттар боюнча кызматташууну тереңдетүүнүн маанилүүлүгүн белгиледи. Ал ошондой эле уюмдун Кыргызстанда кеңсесин ачуу боюнча келишимге кол коюлганы үчүн ыраазычылык билдирди.