Бишкекте киши тоноого шектелип кылмыштуу топтун мүчөсү кармалды (видео)

Маалыматка ылайык, былтыр 10-декабрда милицияга К.К. аттуу жаран арыз менен кайрылган. Ал ошол эле күнү саат 04:00 чамасында Курманжан датка менен Саратов көчөлөрүнүн кесилишинде белгисиз адам ага күч колдонуп, уюлдук телефонун тартып алганын айткан.

Бул факты боюнча Кылмыш-жаза кодексинин 206-беренесине (тоноо) ылайык кылмыш иши козголгон.

Шектүү катары уюшкан кылмыштуу топтун активдүү мүчөсү катары ИИМдин ыкчам каттоосунда турган, 1987-жылы туулган К.А. аттуу жаран кармалып, убактылуу кармоочу жайга киргизилген.

Учурда аталган кылмыш ишине катышкан башка жарандарды аныктоо жана кармоо иштери уланууда.