Эртең Бишкектин жана Чүйдүн айрым көчөлөрү жабылат (тизме)

15-16-май күндөрү Бишкектин жана Чүйдүн айрым көчөлөрүнө маал-маалы менен чектөөлөр киргизилет. Бул маалыматты Жол кыймылынын коопсуздугун камсыздоо башкы башкармалыгы таратты.

Ага ылайык, бул күндөрү өлкөгө Малайзиянын примьер-министри иш сапары менен келгендигине байланыштуу жолдо чектөөлөр болот.

Чектөө киргизиле турган көчөлөрдүн тизмеси:

• «Манас» эл аралык аэропорт жолу Бишкек шаарынын чегине чейин;
• Фучик көчөсү Бишкек шаарынын чегинен тартып, Жибек Жолу көчөсүнө чейин;
• Жибек Жолу көчөсү Фучик көчөсүнөн тартып, чыгышты карай Манас проспектисине чейин;
• Манас жана Ч.Айтматов көчөлөрү түштүктү карай, «Ала-Арча» мамлекеттик резиденциясына чейинки бөлүгү;
• «Ала-Арча» мамлекеттик резиденциясынан тартып, «Ата-Бейит» мемориалдык комплексине чейинки жолго да убактылуу чектөөлөр киргизилет.

ЖКККББ айдоочулардан мамлекеттик маанидеги иш-чара учурунда жогоруда көрсөтүлгөн жол жээктерине унааларын калтырбоону суранат. Ал эми оор жүк ташуучу унаалардын айдоочуларынан зарылчылык болбосо жолго чыкпай турууга чакырат.