Канадада кар аралашкан жамгырдан улам 400 миң адам электр жарыгысыз калды

Канаданын чыгыш тарабында жааган кар аралаш жамгырдан улам 400 миңден ашуун жашоочулар электр жарыгысыз калган. Бул тууралуу 22-декабрда чет элдик басылмалар жазып чыгышты. 

Маалыматка ылайык, электр линияларынын үзүлгөнүнө байланыштуу Онтарио, Квебек жана Нью-Брунсвик провинцияларынын жашоочулары жарыксыз калган. Муз тоңуулардын айынан унаа жолдору жабылып, авиакаттамдары токтотулган. 

Торонто шаарынын бийлиги аба ырайынын бузулушунан келип чыккан кырсыкты 1998-жылы адам өмүрүн алып кеткен муз тоңуу менен салыштырууда. Анда 3 миллиондон ашык тургундар жарыксыз калып, 20 адам каза болгон.