Бокс боюнча улуттук курама команда Таиландда өтө турган лицензиялык мелдешке катышат

Кыргызстандын бокс боюнча улуттук курама командасы эл аралык лицензиялык мелдешке катышат. Бул тууралуу бүгүн, 21-майда Дене тарбия жана спорт департаментинен билдиришти.

Маалымдалгандай, Олимпиадага жолдомо бере турган акыркы турнир Бангкок шаарында (Таиланд) 23-майда башталат.

Анда эркектер арасында жалпы 28 лицензия ойнотулуп, кыргызстандын атынан 6 мушкер күч сынашат.

Курама команданын тизмеси:

- 51 килограмм - Анвар Ходжаев;

- 57 килограмм - Мунарбек Сейитбек уулу;

- 63,5 килограмм - Асхат Култаев;

- 71 килограмм- Нурадин Рустамбек уулу;

- 80 килограмм - Өмүрбек Бекжигит уулу;

- 92 килограмм - Эркин Адыл уулу;

- Башкы машыктыруучу - Төлөгөн Данияр уулу;

- Улук машыктыруучу - Улан Сагынбаев;

- Машыктыруучу - Беганас Султанбаев.