Бишкекте бүгүн, 22-майда “Жаңы кадам” социалдык мобилизициялоо боюнча республикалык кеңешме өтүп жатат. Ага президент Садыр Жапаров, министрлер кабинетинин төрагасы Акылбек Жапаров, эмгек министри Гүлнара Батырова, Министрлер кабинетинин төрагасынын орун басары Эдил Байсалов жана “Социалдык келишим” программасына киргендер катышууда.
Белгилей кетсек, "Социалдык келишим" долбоору президент Садыр Жапаровдун демилгеси менен калктын социалдык жактан аярлуу катмарына жардам көрсөтүү чараларынын бири катары 2022-жылдан бери ишке ашырылып келет.
Анын алкагында үй-бүлөгө жөлөк пул алган жарандар атайын сынактын негизинде тандалып алынып, ишкерлик жүргүзүүгө бир жолку 100 миң сом өлчөмүндө кайтарымсыз жардам алышкан. Бүгүн өлкө боюнча аталган программаны ийгиликтүү ишке ашырып, ишкерлик кылып жаткан катышуучулар чогулду.
Алар съезддин катышуучуларына жеке ишкерлиги тууралуу маалымат берип жатышат.
Эмгек министри Батырова иш- чаранын ачылышында аталган программанын катышуучуларынын эң көбү Жалал-Абад облусунда экенин айтып өттү. Ал билдиргендей, аталган облустун 4003 тургуну "Социалдык келишим" программасына катышкан.
2024-жылы "Социалдык келишим" долбоорун ишке ашыруу үчүн мамлекеттик бюджеттен 2 миллиард сом бөлүнгөн. Быйыл аталган программага 20 миң үй-бүлөнүнүн катышуусу пландалып жатканы айтылган болчу.
Иш-чарада республика боюнча программанын катышуучуларынын 95,6 пайызын аялдар түзгөнү белгиленди.
Супер-Инфо
super.kg видео
0