Акыркы коңгуроо: Бүтүрүүчүлөрдү тоого ташыган 48 унаа аныкталды

Жол кыймылынын коопсуздугун камсыздоо башкы башкармалыгы акыркы коңгуроо аземинен кийин бүтүрүүчүлөрдү тоого ташыган 48 автоунааны аныктады. Бул тууралуу, бүгүн, 26-майда ЖКККББдан билдиришти.

Маалымдалгандай, буга чейинки эскертүүлөргө карабастан акыркы коңгуроо аземинен кийин мектеп бүтүрүүчүлөрүн шаардан сырткары эс алуучу жайларга кортеж унаалары менен ташыган өлкө аймагында 48 унаа аныкталды.

Анын ичинен Бишкек шаарында 29 кортеждик жана 16 маршруттук унаалар, ал эми Нарын облусунда мектеп бүтүрүүчүлөрүн шаардан сырткары эс алуучу жайларга ташыган 3 унаа аныкталган.

"Унаалардын ичиндеги бүтүрүүчүлөрдүн баары аймактык милиция бөлүмдөрүнө жеткирилип, ал эми унаалар андан ары тийиштүү чара көрүү үчүн убактылуу токтотуучу айып короо жайына киргизилди.

Ошондой эле бир күн ичинде жалпы 2 миң 909 жол эрежелерин бузган айдоочулар аныкталды", - деп айтылат маалыматта.

Анын ичинен:

- мас абалында унаа башкарган 45 айдоочу;

- тийиштүү докумменттери жок унаа башкарган 34 айдоочу;

- ылдамдыкты ашырып айдаган 559 айдоочу;

Одоно жол эрежелерин бузгандыгы үчүн 266 автоунаа убактылуу токтотуучу айып короо жайына киргизилди.