Догдуркүл Кендирбаева Индиянын ЖМКларына маек берди

Бүгүн, 27-майда билим берүү жана илим министри Догдуркүл Кендирбаева берген маегинде чет элдик студенттердин коопсуздугун камсыз кылуу үчүн бардык чаралар көрүлүп жаткандыгын билдирди. Бул тууралуу аталган министрликтен билдиришти.

Маалымдалгандай, индиялык делегация “INH News”, “Janta TV” телеканалдарынын, “Haribhoomi” гезитинин башкы редактору Химаншу Двиди (Himanshu Dwidi) менен 18-майда Бишкекте болгон окуяларга байланыштуу маектешти.

“Ар бир ата-эненин тынчсыздануусун түшүнүү менен кабыл алам. Интернетте кырдаалды бурмалаган билдирүүлөр болгондуктан ата-энелердин тынчсыздануусун күчөттү. Азыр кырдаал президенттин жана өкмөттүн катуу көзөмөлүндө турат”, - деди Кендирбаева.

Ага ылайык, министр чет элдик студенттердин коопсуздугун камсыз кылуу үчүн окуу онлайнга өткөрүлгөнүн айтты.