23-декабрга карата Токтогул суу сактагычындагы суунун көлөмү 13 миллиард 885 миллион метр кубду түздү

“Электр станциялары” ААКынын басма сөз кызматынын билдиришинче, 23-декабрга карата Токтогул суу сактагычындагы суунун көлөмү 13 миллиард 885 миллион метр кубду түздү. Бүгүнкү күндө суу сактагычка кирген суунун көлөмү 158 метр кубду түзсө, агып чыккан суунун көлөмү 684 метр кубду түзүүдө. 

Өткөн жылы ушул күнү Кыргызстандын башкы суу резервиндеги суунун көлөмү 15 миллиард 386 миллион метр куб болгон. 2012-жылы 23-декабрда суу сактагычка кирген суунун агымы 152 метр кубду түзсө,  агып чыгышы 796 метр кубду түзгөн.