Камчыбек Ташиев көп балалуу жалгыз бой энеге батир белек кылды

УКМК төрагасы Камчыбек Ташиев Токмок шаарында жашы жете элек сегиз баланы тарбиялап жаткан жалгыз бой эне Айжан Бакаловага үч бөлмөлүү батирдин ачкычын тапшырды.

Атайын кызматтан билдиргендей, Бакалова буга чейин Камчыбек Ташиевге турак жай берүү маселесин кароо өтүнүчү менен кайрылган.

Мындан улам Камчыбек Ташиевдин тапшырмасы менен көп балалуу үй-бүлөгө Токмок шаарынын кичи райондорунун биринен бардык тиричилик шарттары жана эмерек буюмдары менен жабдылган үч бөлмөлүү батир тапшырылды.

Өз кезегинде Бакалова аталган батирдин ачкычы үй-бүлөсүнө балдарды коргоо күнүнүн алдында тапшырылганына токтолуп, УКМК төрагасына ыраазычылык билдирди.