Бишкекте бүгүндөн баштап Байтик баатыр көчөсүнүн дагы бир бөлүгү жабылат

Бүгүн, 28-майда Байтик баатыр көчөсүндө жолду капиталдык оңдоонун экинчи этабы башталат. Бул тууралуу Бишкек мэриясынан билдиришти.

Маалымдалгандай, Байтик баатыр көчөсү Сүйөркулов көчөсүнөн Ахунбаев көчөсүнө чейин жабылат.

Ал эми Сүйөркулов көчөсү унаа кыймылы үчүн ачык болот.

Ага ылайык, учурда Байтик баатыр көчөсүнүн Токомбаев жана Сүйөркулов көчөсү менен чектелген бөлүгүндө, Ахунбаев көчөсүндө Айтматов көчөсүнөн Токтоналиев көчөсүнө чейинки аралыгында жолду капиталдык оңдоо жумуштары жүрүп жатат.

Белгилей кетсек, Байтик баатыр көчөсү Токомбаев көчөсүнөн Жибек Жолу проспектисине чейин, ал эми И. Ахунбаев көчөсү Манас проспектисинен тартып Жукеев-Пудовкин көчөсүнө чейин бир нече этап менен капиталдык оңдоодон өтөт.

Эске салсак, буга чейин Бишкек мэриясы айрым борбордук көчөлөр капиталдык оңдоо иштерине байланыштуу жабылгандыгын маалымдаган.