Ататүрктүн аймагындагы объекттерди алуу иштери башталды (сүрөт) 

Бишкектеги "Ататүрк" сейил багынын аймагындагы объекттерди алуу иштери башталды. Бул тууралуу бүгүн, 28-майда муниципалитет билдирди.

Кабарга ылайык, Малдыбаев көчөсүндөгү узундугу 86 метр болгон тосмо демонтаждалууда. Мындан тышкары 14 метр узундуктагы чатыр алынат. Жашоочулар №104/1 дарегиндеги 4 кабаттуу үйдүн айланасындагы тосмону өз ыктыяры менен демонтаждоо иштерин башташты.

"Бул тосмо муниципалдык аймакка тиешелүү уруксат документтери жок орнотулган. Башкармалык аталган мыйзам бузууну жоюу иштерин баштады.

Бүгүнкү күндө Бишкек шаарынын мэриясынын кызматтары сотко 41 доо арыз менен кайрылышкан", - деп айтышты мэриядан.

Жерди пайдаланууну контролдоо башкармалыгы тарабынан уруксат берилбеген курулуштарды аныктоо боюнча рейддер үзгүлтүксүз жүргүзүлүүдө.