31-майда Оштон ажылык сапарга алгачкы топ жөнөп кетет 

31-майда кыргызстандык ажылардын алгачкы тобу Ош-Медина багыты боюнча Сауд Араб Падышалыгына жөнөп кетет. Бул тууралуу муфтият кабарлады.

31-майдан 8-июнга чейин Ош – Медина жана Ош-Жидда багыттары боюнча 4018 жаран учат.

Ал эми Бишкек шаарынан алгачкы каттам 6-июнда башталып, 10-июнга чейин уланат. Жалпы 2042 жаран Бишкек – Медина, Бишкек – Жидда багыттары боюнча жөнөп кетишмекчи.

Белгилей кетсек, быйылкы жылы 6060 жаран ажылык сапарга жолдомо алган.