Тармактык комитет Зулушевди кызматтан бошотууга макулдук берди

Жогорку Кеңештин Конституциялык мыйзамдар, мамлекеттик түзүлүш, сот укук маселелери комитетинин жыйынында башкы прокурор Курманкул Зулушевди кызматынан бошотууга макулдук берүү жөнүндө маселе каралып, жактырылды. Бул тууралуу парламенттен бүгүн, 4-июнда маалымдашты.

Президенттин жана Министрлер кабинетинин Жогорку Кеңешиндеги туруктуу өкүлү Алмасбек Абытов башкы прокурордун берген арызынын негизинде ээлеген кызматынан бошотуу жөнүндө президенттин сунуштамасын тааныштырды.

Белгилей кетсек, 3-июнда башкы прокурор Курманкул Зулушев кызматтан кеткени кабарланган.