Оштогу сатуучу: "Майда мантынын артынан унаа алып, үй салдык" (видео)

SUPER.KG порталы бул жолу ордолуу Ош шаарынан репортаж даярдады. Анда айтылуу майда манты базарынан 40-50 жылдан бери бул даамды даярдап саткан сатуучуларды кепке тарттык.

20 жылдан бери майда манты саткан сатуучу мантыны даярдоо үчүн түнкү саат 3тө турарын, саат 8-9га базарга келип каларын айтты.

"Бул жерден майда мантыны көп алышат. Жумушубуз кызыктуу. Ар түрдүү адамдар келишет.

Апам 30 жыл майда манты жасап, сатып келген. Андан кийин мен чыгып баштадым. Бул иштин артынан уул үйлөнтүп, кызыбызды турмушка бердик, үй салдык", - деди ал.

Мындан тышкары 3-4 муундан бери бешик жасап, башка аймактарга жиберген бир тууган кол өнөрчүлөр менен дагы тааныштык. Андан кийин бычак жасаган уста менен баарлаштык.

Толугу менен порталдын Ютуб каналынан көрүңүз.