Башкы прокурорлукка талапкер Асаналиевдин эмгек таржымалы боюнча эмнелер белгилүү?

Максат Асаналиев 1978-жылдын 24 мартында Ысык-Көл облусунун Тоң районуна караштуу Ак-Терек айылында жарык дүйнөгө келген.

Ал Кыргыз улуттук университетинин юридикалык факультетин аяктаган.

Эмгек жолунда Бишкетин Октябрь райондук прокуратурасынын тергөөчүсү, Башкы прокуратуранын өзгөчө маанилүү иштер боюнча тергөө бөлүмүнүн улук тергөөчүсү, Биринчи май районунун прокурору болуп да иштеген.

2022-жылдын май айынан тарта Ош облусунун прокурору кызматын аркалап келе жаткан.

Бүгүн, 5-майда Жогорку Кеңеш башкы прокурорлукка Максат Асаналиевдин талапкерлигин жактырды. Буга чейин өлкө башчы Садыр Жапаров башкы прокурорлукка анын талапкерлигин сунуштап, Жогорку Кеңештен макулдук алууга киргизген.

Асаналиев юстициянын биринчи класстагы кеңешчиси.