"84 жарнама конструкциясы алынды". Бишкекте жарнамаларга карата текшерүү иштери уланууда

"Бишкекбашкыархитектура", "Тазалык" муниципалдык ишканаларынын жана Октябрь акимиатынын кызматкерлери менен биргеликте жарнама конструкцияларына рейд өткөрүштү. Бул тууралуу бүгүн, 6-июнда Бишкек мэриясынан билдиришти.

Маалымдалгандай, рейд Ахунбаев көчөсүндө Ч. Айтматов проспектисинен Байтик баатыр көчөсүнө чейин өткөрүлдү.

Ага ылайык, 84 жарнама конструкциясы, 4 терминал алынды. Укук бузуулар жөнүндө кодексинин 107, 239, 179-беренелерине ылайык 9 протокол түзүлгөн.

Ошондой эле рейд учурунда Байтик баатыр көчөсүнүн кеңейишине жол бербеген объектилер текшерилди.

"Жарнама конструкцияларын алуу боюнча рейд жарнаманын тексттерин Мамлекеттик тил жана тил саясаты боюнча улуттук комиссиясынын талаптарына ылайык келтирүү, шаардын сырткы көрүнүшүн иретке келтирүү үчүн жүргүзүлөт", - деп айтылат маалыматта.