Өлкөдөгү 2 жогорку окуу жай 4 жылдыздуу университеттердин катарына кошулду 

Ош мамлекеттик университети менен Кыргыз-Түрк "Манас" университети QS Stars рейтингинде 4 жылдыздуу университеттердин катарына кошулду. Бул тууралуу Билим берүү жана илим министрлиги билдирди.

Маалым болгондой, дүйнөдөгү алдыңкы QS Quacquarelli уюмунун QS Stars эл аралык университеттер рейтингинде аталган эки жогорку окуу жайга 4 жылдыз ыйгарылып, "төрт жылдыздуу университеттердин" катарына кирген.

Ошондой эле ОшМУ билим берүү (Teaching) жана ишке орноштуруу (Employability), ал эми КТМУ ишке орноштуруу (Employability) жана глобалдык катышуу (Global Engagement) критерийлеринде эң жогорку 5 жылдызга ээ болушкан.

"QS Stars - 8 түрдүү категориядагы 30 көрсөткүчтү колдонуу менен университеттерди баалаган көп өлчөмдүү рейтинг системасы", - деп айтылат маалыматта.