"Бутунан тарткан". Москвада көп кабаттуу үйдөн уулунун артынан энеси секирип кетти

Москва шаарындагы көп кабаттуу үйлөрдүн биринин астынан эки адамдын жансыз денеси табылды. Бул тууралуу Mash Телеграм каналы жазды.

Андагы маалыматка ылайык, окуя кечээ, 10-июнда Москвадагы Крылатск көчөсүндөгү көп кабаттуу үйлөрдүн биринде болгон. Анда 14 жаштагы бала менен анын 45-50 жаштардагы энеси көп кабаттуу үйдөн кулап кетишкен.

Алдын ала маалымат боюнча, биринчи 14 жаштагы бала кулаган. Аны энеси куткарууга аракет кылып бутунан тартканы аныкталган. Ал 7-кабаттан кулагандан кийин башка терезеден энеси дагы уулунун артынан кулаган.

"Тез жардам" кызматын көчөдөгүлөр чакырган. Тилекке каршы, дарыгерлер келгиче эне менен бала каза болгон.