“Инилериме ыраазычылык”. Бишкектеги жолчуларга акысыз тамак-аш таркатылды (видео)

Бишкек шаарында жолдорду оңдоп, асфальттап жаткан жумушчуларды белгисиз адамдар ысык тамак-аш менен камсыздады. Аларага ыраазычылыгын айткан борбор калаанын вице-мэри Жамалбек Ырсалиев өзүнүн социалдык баракчасына билдирүү калтырган.

Анын айтымында, жумушчуларга 300 порция ысык тамак, суусундуктар, шаурма таркатылган. Демөөрчүлөр жашыруун болууну каалашкан.

“Пейилиңерден айланам. Кыргыз болгонума ушунчалык кубанам. Атын атагысы келбеген инилериме Аллах ыраазы болсун! Ысыктын күнү иштеп жаткан жумушчуларга тамак жана суусундук алып келип, таратып беришти. "Атыбызды айтпай эле коюңузчу, байке" дейт алтындарым. Силердей инилерибиз турганда Кыргыз мамлекетинин келечегине ишенимибиз бекем”, - деп жазган билдирүүсүндө.