Салык кызматы: Кыргызстанда ЭТТКны киргизүү башка өлкөлөрдүн тажрыйбасын эске алуу менен ишке ашырылууда

Кыргызстанда ЭТТКны киргизүү башка өлкөлөрдүн тажрыйбасын эске алуу менен ишке ашырылууда. Бул тууралуу бүгүн, 12-июнда Салык кызматынан билдиришти.

Маалым болгондой, Казакстанда көмүскө жүгүртүүнү азайтуу жана товарлардын айрым түрлөрүн ташууну контролдоо үчүн электрондук коштомо кагаз колдонулат. Бул система Казакстандын аймагы боюнча товардын ташылып келген же өндүрүлгөн учурдан тартып керектөөчүгө акыркы сатууга чейинки кыймылын жазат.

Ал эми Өзбекстанда электрондук товардык-транспорттук коштомо кагаздардын системасы киргизилген. Киргизүү процесси этап менен өтөт: 2024-жылдын 1-апрелинен тартып бул системаны ири салык төлөөчүлөр колдоно башташты, ал эми 1-июлдан тартып бардык чарба жүргүзүүчү субъекттер колдонот.

"Орусия ийгиликтүү санариптик түрдө транспорттук коштомо кагаздарды жана жол кагаздарын өткөрүп берүү боюнча сынактык долбоору ишке ашырылган. Бул долбоордун жүрүшүндө жүк ташуу процесси катышуучулар үчүн тезирээк жана арзан болуп, мамлекет үчүн ачык-айкын болору аныкталды. Натыйжада 2021-жылы товарларды көзөмөлдөөнүн улуттук системасын ишке киргизишти", - деп айтылат маалыматта.