"Аккулада" чагылгандан баланын каза болушу: Бишкек мэриясы билдирүү жасады

Учурда Бишкектеги ипподромдун аймагындагы ат сарайлардын баары менчиктештирилип, бирок айрым ат сарайларды жеке адамдар пайдаланып жатышат. Бул тууралуу бүгүн, 13-июнда мэриядан билдиришти.

Мекемеден билдиришкендей, муниципалитет тарабынан ипподромдун аймагын пайдаланбоо боюнча бир нече жолу талаптар коюлганына карабастан, жеке адамдар өзүм билемдик менен аттарды үйрөтүп, машыктырып келишет.

Белгилей кетсек, кечээ, 12-июнда "Аккула" ипподромунун аймагына чагылган түшүп, бир адам каза болгон.

Ага ылайык, Ленин РИИБи бул факт боюнча тиешелүү экспертизаларды дайындоо жана күбөлөрдү суракка алуу менен тергөөгө чейинки текшерүү иштерин баштады.