Жактыбы? Ак үйдүн алдындагы жаңы фонтан ачылды (фото)

Министрлер кабинетинин төрагасы Акылбек Жапаров төрага Нурланбек Шакиев жана Жогорку Кеңештин депутаттары менен бирге Жогорку Кеңештин имаратынын алдында жайгашкан фонтандын ачылышына катышты. Бул тууралуу Министрлер кабинети маалымдады.

Фонтан көп убакыттан бери реконструкцияланган эмес, 2 айдын ичинде Президенттин иш башкармалыгы тарабынан фонтанды реконструкциялоо жана капиталдык оңдоо иштери жүргүзүлдү.

"11 даана жогорку сапаттагы борбордук электр насостору, жарыктардын өңүн кезек-кезеги менен алмаштырып турганга дистанттык башкаруу системасы, гранит каптоо орнотулду.

Министрлер кабинетинин башчысы Акылбек Жапаров жаңыланган фонтан шаардыктардын жана борбор калаанын конокторунун сүйүктүү жайына айланарын белгиледи", - деп жазылды маалыматта.