Өлкөдө бир жума ичинде 20 миңден ашык жол эрежесин бузуу фактылары катталды

Өлкө аймагында бир жума ичинде 22 миң 825 жол эрежелерин бузуу фактылары катталды. Бул тууралуу бүгүн, 17-июнда Жол кыймылынын коопсуздугун камсыздоо башкы башкармалыгы билдирди.

Маалыматка ылайык, мындай көрсөткүч 12-июндан 16-июнга чейинки аралыкта катталган.

Жол эрежесин бузуу фактылар:

• Тийиштүү документтери жок транспорт каражаттарын башкаруу - 347;
• Мас абалында унаа башкаруу - 278;
• Унаанын терезелерин мыйзамсыз караңгылатуу - 70;
• Жөө жүргүнчүлөр катышкан жол эреже бузуулар - 938;
• Транспорт каражаттарынын эксплуатациялоо эрежелерин бузуу - 4 миң 71;
• Авто ээнбаштык - 3;
• Белгиленген ылдамдыктан ашуу - 4 миң 689;
• Жалган мамлекттик номур менен унаа башкаруу - 2;
• Башка жол эрежелерин бузуу фактылары –12 миң 427.

Ошондой эле ЖКККББ ар кандай жол эрежелерин бузгандыгы үчүн 1537 унаа айып короого токтотулганын кошумчалады.