ИИМ башчысы Ниязбеков академиянын 100 бүтүрүүчүсүн куттуктады

Бүгүн, 18-июнда Ички иштер министрлигинин Эргеш Алиев атындагы академиясында салтанаттуу бүтүрүү аземи болуп өттү. Бул туурасында мекеменин маалымат бөлүмү кабарлады.

Маалымдагандай, быйыл окуу жайды 100 курсант аяктап жатат, алардын ичинен бешөө артыкчылык дипломдорун алышты.

Иш-чарага ички иштер министри Улан Ниязбеков, генералдар жана ардагерлер, бүтүрүүчүлөрдүн ата-энелери катышты.

Жаш офицерлерге министр Улан Ниязбеков куттуктоо сөздөрүн айтып, “Академиянын курсанты” деген макамды чыдамкайлык менен басып өтүп, “Кыргыз милициясынын” кызматкери деген - ары татаал, ары кооптуу, жоопкерчиликтүү жана сыймыктуу милдеттерди аркалоого бел байлап жаткандыгын сыймыктануу менен белгиледи.