“Колдорунда гүл, абада шар”. Пхеньяндыктар Путинди кантип тосуп алышты? (видео)

Орусиянын президенти Владимир Путин мамлекеттик сапары менен Түндүк Кореяга барды. Мамлекеттик иш сапар Корея Элдик Демократиялык Республикасынын мамлекеттик иштер боюнча төрагасы Ким Чен Ындын чакыруусу менен өтүп жатат.

Орусиялык басылмалар тараткан видеодо тургундар колдоруна гүл кармап, эки мамлекеттин лидерлерин салтанаттуу тосуп алып жатканын байкоого болот. Ошондой эле түркүн түстөгү, ар кандай көлөмдөгү шарлар айлананы көрккө бөлөгөн.