Аламүдүн райондук соту Алга Кылычевди 10 жылга абакка кести

Чүйдүн Аламүдүн райондук соту Алга Кылычевди күнөөлүү деп таап, 10 жылга эркинен ажыратты. Бул туруалуу Жогорку соттон билдиришти.

Маалыматка ылайык, ага карата соттун чечими бүгүн, 21-июнда чыгарылып, сот залынан камакка алынды. Ал Кылмыш-жаза кодексинин (2017-жылдагы редакциясы боюнча) 43-беренеси (Кылмышка кошо катышуу түрлөрү) жана 244-беренеси (Барымтага алуу) боюнча күнөөлүү деп табылып, он жылдык мөөнөткө эркиндигинен ажыратылды.

Белгилей кетсек, 2019-жылы "Кыргызстан Социал-демократиялык партиясынын" саясий кеңишинин мүчөсү Алга Кылычев Кой-Ташта болгон окуялар боюнча шектүү катары камакка алынып, 2019-жылдын октябрь айында үй камагына чыгарылган.