Министрликтен кеткен Мелис Тургунбаев Улуттук банктын төрагасы болушу мүмкүн

Жаратылыш ресурстары, экология жана техникалык көзөмөл министри кызматынан кеткен Мелис Тургунбаев Улуттук банктын төрагасы болушу мүмкүн. Бул тууралуу SUPER.KG порталына өздүк булактар ​​билдирди.

Бүгүн, 26-июнда Жогорку Кеңештин Бюджет, экономикалык жана фискалдык саясат боюнча комитетинин кезексиз жыйынында анын талапкерлиги каралат.

Тургунбаев 1982-жылы 2-майда Ош облусунун Кара-Суу районундагы Кызыл-Суу айылында туулган. Ал 2003-жылы Борбордук Азиядагы Америка университетин аяктаган. 2019-жылы докторлук диссертациясын коргоп, экономика илимдеринин доктору илимий даражасын алган.