Кадамжайда 57 турак үй сел калдыктарынан тазаланды 

Кадамжай районунда 57 турак үйдө сел калдыктары тазаланды. Бул боюнча бүгүн, 26-июнда ӨКМ маалымдады.

Белгиленгендей, 3550 метр ички чарбалык жол тазаланып, калыбына келтирилди.

Калыбына келтирүү иштерине ӨКМдин Үчүнчү өзүнчө издөө-куткаруу отрядынан 29, Кадамжайдагы ӨКБдан 45, Тоо кырсыгынан куткаруу кызматынан 15, башкармалыктан 3, ӨКМден 97 куткаруучу, райондук Жарандык коргонуу кызматтарынан 70 кызматкер, 210 тургун жана жакынкы айыл өкмөттөрдөн 160 кызматкер тартылган. Анда 51 техника жана 7 мотопомпо менен жумуш алып барууда.

Эске салсак, Кадамжай районуна селден улам 24-июнда “өзгөчө кырдаал” режими киргизилген.