Дагы эки абитуриент "Алтын сертификаттын" ээси болду

Өлкөдө дагы эки абитуриент “Алтын сертификатка" ээ болду. Бул тууралуу Билим берүү жана илим министрлиги кабарлайт.

Ага ылайык, май айындагы ЖРТга жүйөөлүү себептер менен тапшырбай калган бүтүрүүчүлөр үчүн 21-23-июнда тестирлөө өткөн. Анын жыйынтыгында эки абитуринет жогорку балл алган. Алар:

Абдумалик Турсунов (231 балл) – Ош облусу “Профессор Купуев П.К. атындагы Академиясы” мекемеси;

Айчүрөк Ишенбекова (225 балл) – Бишкек шаары, №70 мектеп-гимназия окуу-тарбия комплексинин былтыркы бүтүрүүчүсү.

Белгилей кетсек, Айчүрөк Ишенбекова 2023-жылы дагы ЖРТ тапшырып, 232 упай менен “Алтын сертификатка” ээ болгон.

Маалымат үчүн: Буга чейин өлкөдө 56 абитуриент "Алтын сертификат" алганы кабарланган. Жалпы республикалык тестирлөөдө эң жогорку упай 234тү түзгөн болчу.