Чолпон-Атада улуттук оюндар боюнча фестиваль өтүүдө

Чолпон-Ата шаарында “Көчмөндөр оюндары балдар ааламында” аттуу XVI республикалык фестиваль өтүүдө.

Иш-чарага республиканын ар бир облусунан жана Казакстандан улуттук оюндарды мыкты билген окуучулар, ийримдин тарбиялануучулары катышууда.

Фестивалды Билим берүү жана илим министрлиги менен Балдардын жана өспүрүмдөрдүн “Сейтек” улуттук борбору биргеликте уюштурган.

Иш-чарада катышуучулар улуттук оюндун түрлөрү боюнча күч сынашып, көрсөтмө оюндарга катышышат.

Фестиваль 24-июндан 30-июнга чейин өткөрүлөт.