Баткенде коңшу өлкөнүн жараны миллион сомдук товар менен кармалды

Баткенде аткезчилик жол менен товар алып кирүүгө аракет кылган коңшу өлкөнүн жараны кармалды. Бул тууралуу Ички иштер министрлиги билдирди.

Маалыматка ылайык, Кадамжай районунун Кайтпас айылынан коңшу өлкөнүн 1989-жылы туулган жараны аткезчиликке шектелип кармалган. Ал DAMAS DLX үлгүсүндөгү унаасы менен өз өлкөсүндө чыгарылган кездемелерди, кийим-кечектерди Кыргызстанга мыйзамсыз алып кирүүгө аракет кылган.

"Текшерүү учурунда жалпы баасы 1 миллион сомго жакын товарлардын эч кандай тиешелүү документтери жок болуп чыкты", - деп айтылат маалыматт.

Бул факты боюнча Кылмыш-жаза кодексинин 231-беренесинин 1-бөлүмү менен (Экономикалык контрабанда) кылмыш иши козголгон.

Натыйжада коңшу өлкөнүн жараны шектүү катары убактылуу кармоочу жайга киргизилди.