Сел жүрүшү мүмкүн болгон аймактардын тизмеси жарыяланды

Кыргызгидрометтин маалыматына ылайык, өлкө аймагында 29-июндан 2-июлга чейин туруксуз аба ырайы күтүлөт. Анда нөшөрлүү жаан жаашы, айрым аймактарда сел жүрүшү жана дарыяларда суунун деңгээли көтөрүлүшү мүмкүндүгү айтылат.

Бүгүн, 28-июнда өлкөнүн Өзгөчө кырдаалдар министрлиги бул убакыт аралыгында сел жүрүү коркунучу мүмкүн болгон аймактардын тизмесин жарыя кылды:

• Жалал-Абад облусу: Аксы, Ноокен, Базар-Коргон райондору;
• Баткен облусу: Лейлек жана Кадамжай району;
• Ош облусу: Алай, Кара-Кулжа, Өзгөн жана Ноокат райондору.
• Чүй облусу: Кемин, Аламүдүн, Сокулук жана Жайыл райондору.
• Ысык-Көл облусу: Ак-Суу, Тоң жана Түп райондору.
• Талас облусу: Талас, Бакай-Ата району.
• Нарын облусу: Нарын, Жумгал району.

ӨКМ жарандарды коопсуздук эрежелерин так сактоону эскертет.