Чаткалда мыйзамсыз 1100 тонна алтын ташылып чыкканы аныкталды

Чаткал районундагы "Сарай-Сай" кенинен көлөмү 1100 тоннадан ашык алтын рудасын мыйзамсыз ташып чыгуу фактысы аныкталды. Бул тууралуу бүгүн, 1-июлда Улуттук коопсуздук мамлекеттик комитети билдирди.

Маалыматка ылайык, атайын кызмат Жалал-Абад облусундагы аталган кенден 1100 тоннадан ашык алтын рудасы мыйзамсыз ташылып чыгарылганын жана жасалма документтер менен Кара-Балта тоо-кен комбинатына сатылаганын аныктаган.

Аталган факты боюнча кылмыш иши козголуп, 25-июнда М.Д., М.А. жана Ч.И. аттуу жарандар кармалган.

Алар жасаган кылмыштарын моюнуна алышып, тергөө абагына киргизилишкен.

УКМК учурда бул ишке тиешеси бар башка адамдарды аныктоо иштери жүрүп жатканын кошумчалады.