Путиндин жарлыгы менен Канттагы авиабазанын аты өзгөрдү

Орусиянын президенти Владимир Путин Кант шаарындагы №999 авиабазага "Гвардия" деген аталыш ыйгарды. Тиешелүү документ расмий укуктук маалымат порталына жарыяланды.

Маалым болгондой, Путин авиабазанын атын өзгөртүү тууралуу жарлыкка 2-июлда кол койгон.

Аталган наам Ата Мекенди жана мамлекеттин кызыкчылыктарын коргоо боюнча жүргүзүлгөн согуштук аракеттерде бригаданын көрсөткөн эрдиги үчүн ыйгарылган.

Белгилей кетсек, Канттагы №999 аба базасы 2003-жылдын бери иштеп келет.