Кыргызстандык окуучулар Түркиядагы математикалык олимпиадада коло медаль утту

Түркиянын Анталья шаарында өткөн Балкан математикалык олимпиадада кыргызстандык окуучулар коло медалга ээ болду. Бул тууралуу бүгүн, 4-июлда Билим берүү жана илим министрлигинен билдиришти.

Ага ылайык, 25-30-июнь күндөрү өткөн өспүрүмдөр арасындагы аталган олимпиадага 135 өлкөдөн 22 окуучу катышты.

Олимпиаданын жыйынтыгында “Газпром Кыргызстан” мектебинин 9-классынын окуучусу Тимур Акенеев жана №62 ОТК МГнын окуучусу Арлан Керимов коло медалга ээ болушканы айтылат.

Кыргызстандын командасынын курамында төмөнкү окуучулар болду:

1. Тимур Акенеев, "Газпром Кыргызстан" мектеби, Бишкек шаары - коло медаль.

2. Арлан Керимов, №62 ОТК МГ- Бишкек шаары - коло медаль.

3. Бектен Абдувалиев, Кыргызстан эл аралык мектеби, Ош шаары - катышуучу.

4. Нуржамал Пазылбекова, Е.Б.Якир атындагы №61-АФММЛ ОК- Бишкек шаары - катышуучу.

5. Даниил Елистратов, Е.Б.Якир атындагы №61-АФММЛ ОК- Бишкек шаары - катышуучу.

6. Шакиралиев Адилет, Купуев академиясы, Ош шаары - катышуучу.

Команда лидерлери Тилек Аскербеков жана Дослан Жекшеев болгон.

2015-жылдан бери Кыргызстандын курама командасынын аталган олимпиадада жалпы 3 медалы бар: 2 коло жана 1 күмүш.