Кореялык компания Кыргызстанга бейтаптарды калыбына келтирүүчү 20 даана жабдуу берет

Саламаттык сактоо министри Алымкадыр Бейшеналиев H-Robotics компаниясынын эл аралык бизнести өнүктүрүү боюнча директору Марина Ли менен жолугушту. Бул тууралуу бүгүн, 8-июлда Саламаттык сактоо министрлигинен билдиришти.

Мекемеден билдиришкендей, анда кореялык компаниянын өкүлдөрү тарабынан ар кандай реабилитациялык программаларда, анын ичинде инсульттан, мээ жаракатынан жана кыймылдын бузулушун пайда кылган башка оорулардан кийин калыбына келтирүүдө колдонулуучу REBLESS жабдуусу менен тааныштырышты.

Ага ылайык, H-Robotics компаниясынын өкүлдөрү министрликке ушундай 20 комплект жабдуу берүү ниетин билдиришти.

"Министр Бейшеналиев H-Robotics компаниясына ыраазычылык билдирип, жабдыктар республиканын саламаттык сактоо уюмдары тарабынан көрсөтүлүүчү реабилитациялык кызматтарга баалуу кошумча болорун белгиледи", - деп айтылат маалыматта.