Тапанчадан ок чыгарды делген ММА мушкери жөнүндө ИИМ маалымат берди (видео)

ММА мушкери Марсел Нурланбек уулу муздак куралдан (пугач) ок чыгарган. Бул тууралуу бүгүн, 10-июлда SUPER.KG порталына Ички иштер министрлигинин басма сөз кызматы билдирди.

Маалымдагандай, 9-июлда Москвадагы спортчу ИИМдин Орусиядагы өкүлчүлүгүнө чакыртылган.

"Марсел Нурланбек уулу эч кандай мыйзам бузбаганы боюнча түшүндүрмө берди. Видеодогу тапанча муздак курал (пугач) болгон. Ал эми видео эски жана Кыргызстанда тартылган. Анын кармалган экинчи видеосуна келсек, бул анын досторунун тамашасы болгон. Аны Орусия аймагында эч ким кармаган эмес", - деп айтылат маалыматта.

Эске салсак, кечээ социлдык тармактарда кыргызстандык мушкер Нурланбек уулунун тапанчадан ок чыгарган видеосу жана анын кармалганы тартылган кадр тараган болчу.