"Адам эмессиң”. Депутат ага айып салган жол инспекторун тилдеди (видео)

Бишкек шаардык кеңешинин депутаты Казыбек Эргешов Жол кайгуул кызматынын кызматкери менен кайым айтышкан видео тарады.

Анда депутат унаасынын алдыңкы терезелерин мыйзамсыз караңгылатып алгандыгы үчүн Ысык-Көлгө бараткан жеринен токтотулган.

Ал жол инспектору токтотор замат депутаттык күбөлүгүн көрсөткөн. Ага патрулдук милициянын кызматкери мыйзам алдында баары бирдей экенин эске салып, протокол түзгөн.

Ага нааразы болгон Эргешов инспекторду “адам эмессиң” деп тилдеп, пиар менен алектенбөөгө чакырган.