13-17-июль күндөрү өлкөнүн тоолуу аймактарында сел жүрүшү күтүлөт

13-17-июль күндөрү туруксуз аба ырайына жана күтүлгөн нөшөрлүү жаан-чачынга байланыштуу унаа жолдорунда сел жүрүшү жана таш кулоосу мүмкүн. Бул тууралуу Өзгөчө кырдаалдар министрлигинен билдиришти.

Ага ылайык, өлкөнүн тоолуу жана тоо этектериндеги райондорунда, айрыкча Баткен облусунун Баткен, Лейлек, Кадамжай райондорунда жана Жалал-Абад облусунун Сузак, Базар-Коргон, Ноокен, Аксы, Ала-Бука райондорунда сел жүрүшү мүмкүн.

"Ош облусунун Өзгөн, Ноокат, Алай, Чоң-Алай, Кара-Кулжа жана Кара-Суу райондорунда, Ысык-Көл облусунун Ак-Суу, Жети-Өгүз, Ысык-Көл, Түп жана Тоң райондорунда, Чүй облусунун Панфилов, Жайыл, Аламүдүн, Чүй жана Кемин райондорунда сел жүрүшү күтүлөт", - деп жазылат анда.

Ошондой эле Нарын облусунун Кочкор, Ак-Талаа, Ат-Башы жана Нарын райондорунда, Талас облусунун Кара-Буура, Бакай-Ата жана Талас райондорунун аймактарында сел жүрүшү жана унаа жолдордо таш кулоосу мүмкүн экендиги маалымдалат.