"Каза болгондор бар". АКШда Дональд Трампка ок атылды (видео)

АКШда президенттикке талапкер Дональд Трампка Пенсильвания штатында сүйлөп жатканда ок атылды. Бул тууралуу Sky News кабарлады.

Андагы маалыматка ылайык, Трамп сөз сүйлөп жатканда октун үнү угулуп, экс-президент жашынган. Анын кулагы канап жатканы көрүнгөн. Коопсуздук кызматкерлери экс-президентти сахнадан алып качышкан.

Учурда Трамп ооруканада. Анын абалы туруктуу экени айтылды. Ал эми ок чыгарган адам укук коргоо кызматкерлери тарабынан жок кылынган, дагы бир адам каза болгон.

Ок чыгарган адам ким экени айтылган жок.