УКМК эл аралык террордук уюмдун активдүү жактоочусу кармалганын билдирди  

Улуттук коопсуздук боюнча мамлекеттик комитет эл аралык террористтик уюмдун активдүү жактоочусу кармалганын бүгүн, 16-июлда билдирди.

Атайын кызматтын маалыматына караганда, эл аралык террордук уюмдун идеологиясын активдүү жайылтып, экстремисттик жана террористтик мүнөздөгү материалдарды таратканга шектүү А.П. аттуу кыргыз жараны кармалган.

"Таркатылып жаткан сүрөт-видео материалдарда "Эл алдында террористтик ишти жүзөгө ашырууга чакыруу", “Халифатты орнотуу аркылуу конституциялык түзүлүштү кулатуу" белгилери камтылган", - деп айтылат маалыматта.

Кылмыш-процессуалдык кодексинин 97-беренесине ылайык, шектүү УКМКнын тергөө абагына киргизилди. Учурда ыкчам тергөө иш-чаралары жүргүзүлүүдө.