UWW кайсы өлкөнүн балбандары Олимпиадага эң көп катыша турганын жарыялады

Дүйнөлүк күрөш уюму быйыл өтө турган Париж Олимпиадасында кайсы өлкөнүн балбандары эң көп лицензия утканын расмий баракчасына жарыялады.

UWW жарыялган маалыматка ылайык, АКШ Париж Олимпиадасына эң көп балбандарын жиберген өлкөлөрдүн сап башында. Бул өлкөнүн атынан Олимпиадагы 16 балбан катышат. Ал эми Кыргызстан бул тизмеде 9-орунга жайгашты.

Алдыңкы 10дук төмөндөгүдөй: 1. АКШ - 16 балбан;

2. Япония - 13;

3. Кытай - 12;

4. Азербайжан - 12;

5. Иран - 11;

6. Египет - 11;

7. Түркия - 11;

8. Куба - 10;

9. Кыргызстан - 10;

10. Монголия - 9.