Айрым жапайы жаныбарларга аңчылык кылгандарга айып пулдун суммасы көтөрүлдү

Жаныбарлардын айрым түрлөрүнө аңчылык кылгандарга айып пулдун суммасы өстү. Бул тууралуу бүгүн, 17-июлда Жаратылыш ресурстары, экология жана техникалык көзөмөл министрлиги билдирди.

Айып пулдун көлөмү:

• Ак илбирс - 2 миллион сом (1,5 миллион сом болчу);
• Аркар, күрөң аюу, марал (бугу), жейрен - 1,5 миллион сом (1 миллион сом болчу);
• Тоо теке - 300 миң сом (100 миң сом болчу);
• Элик - 100 миң сом (мурун 50 миң сом болгон).

"Айып пулдардын өлчөмүн көбөйтүүнүн негизги максаты - өсүмдүктөрдү жана фаунаны коргоонун натыйжалуу системасын түзүү", - деп айтылат маалыматта.

Ошондой эле министрлик бул жаныбарларга аңчылык кылгандар тууралуу маалымат бергендерге айыптын жарымы сый акы катары берилерин кошумчалады.