Эл аралык Олимпиада комитети Олимпиадалык тынчтык келишими башталганын жарыялады

Эл аралык Олимпиада комитети (ЭОК) Олимпиадалык тынчтык келишими башталганын жарыялады. Резолюция тынчтыкты Олимпиада оюндарынын башталышына жети күн калганда жана Паралимпиадалык оюндар аяктагандан кийин жетинчи күнгө чейин сактоого чакырат.

"Бүгүн, 19-июлда Олимпиадалык тынчтык келишими башталат. Олимпиада оюндары дүйнөнү бириктирүү үчүн баарыбыз тынчтык жолу менен чогула аларыбызды көрсөтүүгө негиз болот", - деп жазылды ЭОКтун расмий сайтына.

БУУнун Башкы ассамблеясы 2023-жылдын ноябрында Парижде өтө турган Олимпиадада тынчтык келишимин сактоого чакырган резолюция кабыл алган. Документтин кабыл алынышына 118 өлкө добуш берген, алардын ичинен эч ким резолюцияга каршы чыккан эмес. Орусия менен Сирия добуш берүүдө калыс болушкан.

Резолюция Олимпиада оюндарынын башталышына жети күн калганда башталып, Паралимпиадалык оюндар жабылгандан жети күн өткөнгө чейин тынчтыкты сактоого чакырат. Куралдуу кагылышууларга катышкан бардык тараптарга ушул мезгилге чейин ок атышууну токтотуу сунушталган.