Бишкек шаардык милициясы "Ыр кесе" кезегин Баткен ОИИБине өткөрүп берди

Бишкек шаарынын ички иштер башкармалыгы тарабынан “Кыргыз милициясынын 100 жылдыгына” арналган “Ыр кесе” майрамдык иш-чарасы өткөрүлдү. Бул тууралуу шаардык милициядан билдирди.

Маалыматка ылайык, иш-чарада Бишкек ШИИББинин жана райондук ички иштер башкармалыктарынын өздүк курамы, адептүүлүктү, боорукердикти, кайрымдуулукту, айкөлдүктү, мекенди сүйүүгө тарбиялаган жана Кыргыз элибиздин үрп-адаттарын, каада-салтын терең чагылдырган маңыздуу сценрийлерди тартуулоо менен бирге чыгармачылык өнөрлөрун көрсөтүштү.

Иш-чараны шаардык милициянын башчысы Азамат Токтоналиев ыр кесе кезегин, Баткен облусунун ички иштер башкармалыгына салтанаттуу өткөрүп берүү менен жыйынтыктады.