"Банктар жана банк иштери жөнүндө” мыйзамга өзгөртүүлөр киргизилди

Президент Садыр Жапаров “Банктар жана банк иштери жөнүндө” мыйзамга өзгөртүү киргизүү тууралуу” мыйзамга кол койду. Бул тууралуу бүгүн, 22-июлда президенттин маалымат кызматынан билдиришти.

Маалыматка ылайык, аталган мыйзам 2024-жылдын 27-июнунда Жогорку Кеңеш тарабынан кабыл алынган.

Мыйзамдын максаты - Кыргыз жарандарынын жашоо шарттарын жакшыртуу үчүн “Банктар жана банк иштери жөнүндө” мыйзамга өзгөртүү киргизүү болуп саналат.

"Өзгөртүү киргизилген мыйзам Министрлер кабинети тарабынан бекитилген мамлекеттик программаларды (турак жай, социалдык, улуттук жана экономикалык коопсуздукту камсыз кылуу боюнча) ишке ашыруунун алкагында мамлекеттик катышуу үлүшү бар коммерциялык банктар ("Элдик Банк" ААК, "Айыл Банк2 ААК) аны менен байланыштуу жактын алдында милдеттенмелерди төлөө же башка жол менен аткаруу, банк менен байланыштуу жактан кандайдыр бир мүлктү сатып алуу мүмкүнчүлүктөрүн берүү үчүн кандай жак болбосун бүтүмдөрдү түзүүгө укуктуу", - деп айтылат маалыматта.

Ал эми мыйзам расмий жарыяланган күндөн тартып күчүнө кирет.