Дагестанда 19 жана 20 жаштагы эки кыз тирүүлөй өрттөнүп кетти

Махачкала шаарындагы квест бөлмөсүндө өрт чыгып, натыйжада 19 жана 20 жаштагы эки кыз каза болду. Дагы бир жабырлануучу ооруканада.

Дагестан Республикасынын прокуратурасынын маалыматы боюнча, өрт алып баруучу кол капты өрттөгөндөн кийин кыздар квест бөлмөсүнөн өз алдынча чыга албай калган. Экөө ооруканада каза болуп, дагы бир адам жаракат алган.

"Республиканын прокуратурасы бул окуя боюнча кылмыш ишин көзөмөлгө алды", - деп айтылат прокуратуранын билдирүүсүндө.

Орус Телеграм каналдары окуянын айрым чоо-жайын жазып чыгышты. Квесттин катышуучуларын алып баруучулардын бири атайын кол капты бензин менен өрттөп, кыздар турган жерге ыргытып жиберген. Андан кийин дароо өрт чыккан. Квесттин катышуучулары бөлмөдөн качып чыга алышкан эмес. Кыздар кыйкырып, ары-бери өткөндөрдөн сыртка чыгууга жардам беришин суранышкан.

Биринчи болуп 19 жаштагы кыз каза болгон. Ал күйөөсү менен бул оюнга келген. Ал катуу күйүктөн ооруканада каза болгон. Анын 20 жаштагы күйөөсү денесинен 50 пайыз күйүк алып, реанимацияда жатат. Жубайлар беш күн мурун үйлөнүү тоюн өткөрүшкөн.